كيف تستغل وقتك بالأزدحام؟

كشفت آخر الدراسات لشبكة CNN أن 54 ساعة سنوياً من وقت الإنسان تضيع بالازدحام، وخصوصاً ويه ازدحامات بغداد. الوقت يطول ويطول ويطول…

خلينا ننطيك مقترحات تقضي بها على الملل خلال هالوقت.

أفكار ونشاطات تشغل بيها وقتك بالازدحام

• التواصل أكثر: تكدر تقضي وكت الازدحام بمكالمات أصدقائك وحبايبك، واسأل عليهم حتى لو ما يسألون. سولف ويه الأصدقاء وشاركهم رأيك برحلتنا.
• القراءة: استثمر هذا الوقت في قراءة مقالات علمية وثقافية ممكن تكون ممتعة إلك. ممكن تخلص كتاب كامل وانت مسافر بين الكرخ والرصافة.
• العمل: عالم الأعمال صار معظمه يُدار أونلاين. استثمر وقت الرحلة وكمّل أكبر قدر من شغلك بالطريق، واحضر اجتماعاتك من داخل قمرة كابتن بَلي. 54 ساعة ممكن تفيد بتحقيق أحلامك وتزيد إنجازاتك.
• البحث: اقضِ وقتك في البحث عن نشاط إبداعي تحبه يخليك تشعر بالمتعة، كعمل مشروع صغير بدون تكاليف مالية كثيرة، أو اكتساب مهارات جديدة، خصوصاً إن الإنترنت وفر كل المعلومات والأفكار اللي ممكن تخدم هذا الغرض.
• الألعاب: ممكن تفصل عن الجو الحار والازدحام، وتلعب بالموبايل الألعاب اللي تفضلها. وإذا انت تحب الدومنا، فويه بَلي انت مدومن على الرأسين.
• مواقع التواصل الاجتماعي: صارت جزءاً مهماً من وسائل الترفيه. فيسبوك وانستغرام وباقي تطبيقات السوشيال ميديا ممكن تقضي فيها وقت الازدحام وانت متونس. بوستات وفديوات ما راح تنتهي، تخلصلك اليوم كله وما تخلص.

نحب نقول… إن شاء الله دومك ويانا مرتاح ومحصّل تجربة نقل مميزة.