طرق الدفع بتطبيق بَلي

سواء جنت تريد تطلب تكسي أو أكل، تطبيق بَلي يوفّر أكثر من وسيلة دفع حتى تختار اللي تناسبك، وتكمل طلبك بكل سهولة.

الدفع النقدي

بعد ما توصلك الرحلة أو يوصل طلبك، تدفع الأجرة مباشرة للكابتن. السعر يبقى ثابت مثل ما شفته قبل لا تأكد، ماكو أي تغيير أو مفاجآت.

وإذا راكب تكسي بَلي والكابتن ما عنده باقي يرجعلك، ولا يهمك. يگدر يحوّلك المبلغ الباقي مباشرة إلى محفظة بَلي حتى تبقى فلوسك بأمان وتستخدمها بأي وقت لاحق.

شنو هي محفظة بَلي؟

محفظة بَلي هي الطريقة الأسرع والأسهل للدفع أونلاين. بدل ما تدور على كاش أو تنتظر باقي، تفتح تطبيق بَلي، تضغط على أيقونة المحفظة، بعدين تختار “إضافة المبلغ” وتكتب الرصيد اللي يناسبك.

بعدها تدخل معلومات بطاقتك، والتطبيق راح يحفظها حتى ما تحتاج تدخلها كل مرة. ومن لحظتها، يصير عندك رصيد إلكتروني جاهز تستخدمه بكل رحلاتك وتنقلاتك بسهولة وأمان.

طرق تعبئة محفظة بَلي

في بَلي، عندك أكثر من طريقة تعبّي بيها رصيدك أو تدفع أونلاين، حتى تختار اللي يناسبك تماماً:

1. زين كاش

طريقة سهلة وسريعة تعبّي بيها رصيدك مباشرة.

2. البطاقات الائتمانية والمصرفية

مثل فيزا (Visa)، وماستركارد (MasterCard)، وكي كارد (QiCard). فقط تدخل معلومات البطاقة مرة وحدة، والتطبيق يحفظها تلقائياً لاستخدامها لاحقاً بكل أمان.

3. بطاقة بَلي

ما عندك بطاقة مصرفية؟ ماكو مشكلة. تكدر تشتري بطاقة بَلي من نقاط البيع المعتمدة، وتدخل رمزها داخل التطبيق لتعبئة رصيدك مباشرة. هاي العملية سريعة، وتخليك تستخدم كل خدمات بَلي بدون أي تعقيد.

كل طرق الدفع مؤمّنة بالكامل، ومصممة حتى تكون سهلة وسريعة وتناسب كل المستخدمين، سواء تفضل الكاش أو الدفع الإلكتروني.

شلون تدفع أونلاين إذا تريد تطلب طعام من بَلي؟

إذا جنت تريد تطلب أكل من بَلي، اتبع هذه الخطوات:

1. افتح تطبيق بَلي وادخل على خانة الطعام.
2. اختار المطعم والوجبة اللي تحبها.
3. اضغط على “عرض السلة” حتى تتأكد من طلبك.
4. اختار طريقة الدفع المناسبة إلك:
   • الدفع نقداً عند وصول الكابتن للمكان اللي محدده.
   • أو الدفع بالبطاقة.

ومن تدخل بطاقتك أول مرة، التطبيق راح يحفظها تلقائياً حتى تكدر تستخدمها بسهولة بكل طلباتك الجاية.

الأسئلة الشائعة عن عمليات الدفع

البطاقة ما جاي تدخل، شسوي؟

تأكّد أول شي من معلومات البطاقة (الرقم، تاريخ الانتهاء، رمز الأمان)، أو عيد المحاولة بعد دقائق. وفي حال تكررت الحالة، توصل ويه الدعم من داخل التطبيق.

أگدر أحط أكثر من بطاقة بنفس الحساب؟

نعم، تكدر تضيف عدة بطاقات وتختار أي وحدة أثناء شحن المحفظة.

منين أشتري بطاقة بَلي؟

تكدر تشتري بطاقة بَلي من الأكشاك اللي تقدم خدمة شراء البطاقات الإلكترونية والموجودة بأماكن متنوعة، أو عن طريق برامج الدفع (زين كاش، ديجيتال زون، فاست بي) وغيرها من منصات بيع البطاقات الإلكترونية.

إذا نسيت أشحن المحفظة قبل الرحلة، شنو الحل؟

إذا جان المبلغ بمحفظتك أقل من مبلغ الرحلة، راح يتحول الدفع بشكل تلقائي إلى كاش، وتكدر تعبي محفظتك وتغير طريقة الدفع وانت بنص الرحلة.

التطبيق يدعم كل أنواع البطاقات؟

نعم، بَلي يدعم كل البطاقات العالمية ومنصات الدفع المحلية، من ضمنها: فيزا، وماستركارد، وكي كارد، وزين كاش.