بَلي مو بس توصلك… تحافظ عليك
من تحجز وية بَلي، احنه نعرف انت ما تدور بس وسيلة توصلّك، أنت دا تدور خدمة آمنة، مريحة، وتخلي بالك مرتاح. لهذا السبب، السلامة عدنه مو مجرد خيار…
بهالصفحة، راح تتعرف على أبرز ميزات الأمان اللي وفرناها، من لحظة الحجز، لحد ما توصل بسلام.
قبل الرحلة: كلشي واضح من البداية
1. معلومات الكابتن كاملة كدامك
أول ما تحجز الرحلة، يوصلك:
- صورة الكابتن
- اسمه الكامل
- نوع وموديل السيارة
- رقم اللوحة
- تقييمه من الزبائن
قبل لا تصعد، چيك اسم الكابتن ورقم السيارة، لازم يطابقن التطبيق.
- تأكيد موقع الانطلاق والوصول بدقّة
تحدد موقعك ومكان وجهتك بدقّة من خلال الخريطة، بدون أي خطأ أو سوء تفاهم.
3. السعر معروف من البداية
ماكو مفاجآت، ماكو تفاوض. تعرف السعر قبل لا يوصلك الكابتن،.
أثناء الرحلة: كلشي تحت سيطرتك
4. زر الأمان داخل التطبيق
أي لحظة تحس بيها إنك محتاج مساعدة، تكدر تضغط زر الأمان الموجود داخل التطبيق، تتصل على الدعم من داخل التطبيق على رقم الهاتف، اذا صار خلاف كبير وصعب حله تكدر تتصل على 911 مباشرة من داخل التطبيق
5. مشاركة مسار الرحلة
تخاف أحد يقلق عليك؟ تكدرتشارك مسارك مباشرةً مع أي شخص تحبه – أهل، صديق، زميل. يشوف تحركاتك لحظة بلحظة، ويعرف متى توصل.
بعد الرحلة: تقييم ومتابعة
6. تقييم الكابتن
بعد التوصيل، نطلب منك تقييم الكابتن. كل ملاحظة تكتبها توصلنا، وتنأخذ بجدية.
الكابتن يتأثر تقييمه مباشرة، وهذا يحفز الكل على تقديم أفضل خدمة.
7. تگدر تقدّم شكوى بسهولة
صار شي؟ تگدر تبلغ عن الرحلة بكل سهولة من داخل التطبيق، وفريق الدعم يتابع حالتك خلال وقت قصير.
دعم مستمر… أثناء تواجدك بالرحلة
9. فريق دعم متوفّر دومًا
بأي وقت، تگدر تتواصل ويه فريق الدعم عبر:
- الدردشة داخل التطبيق
- الاتصال داخل التطبيق
نسمعك، نتابع وياك، ونخلي كل شي يرجع طبيعي بأسرع وقت.
ليش الأمان مهم ببَلي؟
احنه نعرف انت تسافر، تشتغل، توصل أهلك، أو حتى تطلب أكل… وكل لحظة مهمة.
ولهذا السبب:
- درّبنا كباتننا على التعامل المهني
- تابعنا الأداء والتقييمات أول بأول
- نظام أمن داخل التطبيق، مو بس شكلي… فعّال وحقيقي
بالمختصر…
بَلي = أمان + وضوح + راحة بال
- تشوف كل معلومات الكابتن
- تتابع رحلتك وتشاركها
- عندك زر الأمان
- الدعم وياك بأي وقت
تحب تجرب؟ جرّب بَلي اليوم، وخلي أول رحلة تكون بأمان… من البداية للنهاية.
اترك تعليقاً