طرق الدفع بتطبيق بَلي

سواء جنت تريد تطلب تكسي او أكل تطبيق بَلي يوفّر أكثر من وسيلة دفع حتى تختار اللي تناسبك وتكمل طلبك بكل سهولة.

الدفع النقدي

شلون تكون طريقة الدفع؟

بعد ما توصلك الرحلة أو يوصل طلبك، تدفع الأجرة مباشرة للكابتن،السعر يبقى ثابت مثل ما شفته قبل لا تأكد، ماكو أي تغيير أو مفاجآت.

وإذا راكب تكسي بَلي  والكابتن ما عنده باقي يرجعلك ولا يهمك.

يكدر يحوّلك المبلغ الباقي مباشرة إلى محفظة بَلي حتى تبقى فلوسك بأمان وتستخدمها بأي وقت لاحق

 

خليني افهمك شنو هية محفظة بَلي:

محفظة بَلي هي الطريقة الأسرع والأسهل للدفع أونلاين. بدل ما تدور على كاش أو تنتظر باقي، تفتح تطبيق بَلي، تضغط على أيقونة المحفظة، بعدين تختار “إضافة المبلغ” وتكتب الرصيد اللي يناسبك.

بعدها تدخل معلومات بطاقتك، والتطبيق راح يحفظها حتى ما تحتاج تدخلها كل مرة. ومن لحظتها، يصير عندك رصيد إلكتروني جاهز تستخدمه بكل رحلاتك وتنقلاتك بسهولة وأمان.

طرق التعبئة:

في بَلي، عندك أكثر من طريقة تعبّي بيها رصيدك أو تدفع أونلاين، حتى تختار اللي يناسبك تماماً

• زين كاش:

طريقة سهلة وسريعة تعبّي بيها رصيدك مباشرة

• البطاقات الائتمانية والمصرفية:

مثل فيزا (Visa) وماستركارد (MasterCard) وكي كارد (QiCard) 

فقط تدخل معلومات البطاقة مرة وحدة، والتطبيق يحفظها تلقائياً لاستخدامها لاحقًا بكل أمان


واذا ماعندك بطاقة مصرفية ولا يهمك يمنه الحل تستخدم بطاقة بَلي

 

•  بطاقة بَلي

ما عندك بطاقة مصرفية؟ ماكو مشكلة تكدر تشتري بطاقة بَلي من نقاط البيع المعتمدة،

وتدخل رمزها داخل التطبيق لتعبئة رصيدك مباشرة هاي العملية سريعة تخليك تستخدم كل خدمات بَلي بدون أي تعقيد.

كل طرق الدفع مؤمّنة بالكامل، ومصممة حتى تكون سهلة وسريعة وتناسب كل المستخدمين  سواء تفضل الكاش، أو الدفع الإلكتروني،
 

شلون تدفع أونلاين اذا تريد تطلب طعام من بَلي؟

إذا جنت تريد تطلب أكل من بَلي:

• • افتح تطبيق بَلي وادخل على خانة الطعام.
  • اختار المطعم والوجبة اللي تحبها.
  • اضغط على عرض السلة حتى تتأكد من طلبك.
• بعدين اختار طريقة الدفع المناسبة إلك:

۱- الدفع نقداً عند وصول الكابتن للمكان الي محدده

۲- أو الدفع بالبطاقة 

ومن تدخل بطاقتك أول مرة، التطبيق راح يحفظها تلقائياً حتى تكدر تستخدمها بسهولة بكل طلباتك الجاية.

الاسئلة الشائعة عن عمليات الدفع

البطاقة ما جاي تدخل، شسوي؟

تأكّد أول شي من معلومات البطاقة (الرقم، تاريخ الانتهاء، رمز الأمان). أو عيد المحاولة بعد دقائق وفي حال تكررت الحالة توصل وية دعم من داخل التطبيق

أگدر أحط أكثر من بطاقة بنفس الحساب؟

نعم، تكدرتضيف عدة بطاقات وتختار أي وحدة أثناء شحن المحفظة.

منين أشتري بطاقة بَلي؟

بطاقة بَلي تكدر تشتريها من كشك الي يقدم خدمة شراء البطاقات الالكترونية ويكون موجود باماكن متنوعة
او عن طريق برامج الدفع (زين كاش , دجتل زون, فاست بي) وغيرها من منصات بيع البطاقات الالكترونية

إذا نسيـت أشحن المحفظة قبل الرحلة، شنو الحل؟

اذا جان المبلغ بمحفظتك اقل من مبلغ الرحلة راح يتحول الدفع بشكل تلقائي الى كاش وتكدر تعبي محفظتك وتغير طريقة الدفع وانتة بنص الرحلة

التطبيق يدعم كل أنواع البطاقات؟

نعم  بَلي يدعم كل البطاقات العالمية ومنصات الدفع المحلية من ضمنها

– فيزا – ماستركارد – كي كارد – زين كاش.