بلي أوفر من السوق بـ 50%

تسافر، تروح دوامك، توصل طلبيّتك، أو حتى تطلب أكل؟
بَلي يخلي تنقلاتك أوفر، أسهل، وأرتب.

ليش تدفع أكثر؟

بَلي يقدملك أسعار أرخص من السوق بنسبة توصل إلى 50%، ومو بس أرخص… لا،
تجربة مرتبة وآمنة، من باب بيتك لباب مكانك، بسعر يخليك ترجع وتطلب مرة ثانية بدون تفكير.

شلون بَلي أرخص؟

بَلي يستخدم نظام تسعير ذكي ومتطور يعتمد على عدة عوامل مثل:
1- المسافة
2- الطريق
3- أوقات الذروة
4- كمية الطلب
لكن بنفس الوقت يحافظ على التوازن بين مصلحة الزبون ومصلحة الكابتن.
ببساطة، السعر ما ينحسب بشكل عشوائي،
كل رحلة محسوبة بدقة حتى تضمن:
الزبون يدفع مبلغ منصف ومناسب.
والكابتن يحصل على أجرته من خلال إضافة مكافآت وحوافز على الطلبات اللي ياخذوها.
لهذا السبب، تگدر تعتبر بَلي مو مجرد تطبيق،
بل نظام تسعير متوازن يخدم الطرفين, توفير يوصل إلى 50%.

واحدة من أكثر النقاط اللي تميز بَلي عن أي وسيلة نقل ثانية،

هي إنك تشوف فرق السعر بعينك.
جرب بنفسك:
رحلة للسوق، أو للجامعة، أو لمكان شغلك…
أو حتى لما تطلب الأكل اللي تحبه
دائمًا عدنا خصومات توصل 50% على هواي مطاعم.
وإذا أضفنا الأمان، الراحة، ونظام التقييم،
راح تشوف إن السعر المنخفض ما يعني تقليل بالجودة أبدًا.
العكس تمامًا، السعر محسوب بطريقة ذكية حتى تاخذ أفضل قيمة مقابل كل دينار تدفعه.

شنو علاقة وقت الحجز بالسعر؟

كلنا نعرف إن حركة النقل تختلف حسب الوقت،
ولهذا السعر ممكن يتغيّر بشكل بسيط بأوقات الذروة.
بأوقات الزخم – مثل الصبح وقت الدوام، أو المغرب وقت العودة
يكون الطلب أعلى، فيرتفع السعر بشكل بسيط حتى يضمن وجود عدد كافي من الكباتن يخدمون الزبائن بسرعة.
أما ببقية الأوقات، فالسعر يكون أخف وأوفر.

 

شلون نخلي النظام عادل بين الطرفين:

الكابتن يستفاد بأوقات الازدحام.
الزبون يحصل على سعر ممتاز بباقي الأوقات.
والأهم من هذا كله السعر دائماً ينعرض كدامك قبل لا تأكد الرحلة.
ماكو مفاجآت، ولا حسابات غامضة.
تشوف، تختار، وتأكد وأنت مرتاح.

 

نظام الفئات الثلاث – أنت تختار السعر اللي يناسبك

حتى نخلي التجربة أوضح وأسهل، بَلي يوفر ثلاث فئات من الأسعار،
كل وحدة تناسب نمطك وميزانيتك، وانت تختار اللي يريحك

1- فئة توفير

الأرخص بالسوق، مثالية للتنقلات اليومية أو القصيرة.
سيارات عملية ومريحة،
نفس مستوى الأمان، ونفس الخدمة، بس بسعر أخف.
تنفع إذا تريد توصل بأقل كلفة ممكنة.

2- فئة سوبر

خيار متوازن بين السعر والراحة.
سيارات أحدث، توصيل أسرع،
مثالية إذا تحب الراحة بدون ما تدفع زيادة كبيرة.
الأكثر طلبًا بين المستخدمين.

3- فئة بلس

مستوى أعلى من الراحة والجودة.
سيارات حديثة أكثر،
مثالية للرحلات الخاصة أو وقت المناسبات.
السعر أعلى شوي، لكن التجربة تستحق.
بهذا النظام، بَلي يعطيك حرية القرار:
تختار الرحلة اللي تناسب ميزانيتك بدون ما تضحي بالجودة أو الأمان.

نظام التسعير في بَلي مصمم حتى يكون مريح، عادل، وشفّاف.

بدون لف ودوران، بدون تفاوض، وبدون تسعيرة غامضة.
أنت تعرف شكد رح تدفع… قبل لا تطلع.

أسئلة شائعة

هل ممكن يتغير السعر بعد الحجز؟
لا، السعر يثبت أول ما تؤكد الرحلة.
ليش أحيانا يكون أغلى؟
وقت الذروة يكون اغلى، لكن يبقى ظاهر كدامك قبل التأكيد.
أكو طريقة أطلع أرخص؟
إي، تابع العروض والكودات الي توصلك على مركز القسائم او تلكاها على السوشيل ميديا

هل الأسعار تختلف حسب المدينة
نعم، الأسعار تختلف من محافظة إلى ثانية حسب المسافات، الطرق، وتكاليف التشغيل المحلية،
لكن تبقى أرخص من السوق بنفس النسبة التقديرية (حتى 50%)..